ਮਾਂ ਦਾ ਪਿਆਰ

ਮਾਂ ਦੀ ਮਮਤਾ ਨੂੱ ਮੰਨੇ ਸਾਰਾ ਸੰਸਾਰ,

ਮਾਂ ਵਰਗਾ ਨਹੀਂ ਕੋਈ ਹੋਰ ਪਿਆਰ ।

ਆਪਣੇ ਆਾਪ ਨੂੱ ਦੁੱਖ ਦੇਕੇ,

ਮਾਂ ਕਰਦੀ ਹੈ ਆਪਣੀ

ਸੰਤਾਨ ਦੀ ਦੇਖ-ਭਾਲ ।

ਭਾਵੇਂ ਸੰਤਾਨ ਮਾੜੀ ਹੋਵੇ,

ਫਿਰ ਵੀ ਮਾਂ ਲਾਂਦੀ ਹੈ,

ਆਪਣੀ ਸੱਤਾਨ ਨੂੰ ਸੀਨੇ ਨਾਲ ।

ਮਾਂ ਦਾ ਦਿਲ ਹੁੰਦਾ ਹੈ ਬੜਾ ਕੋਮਲ,

ਸਹਿ ਸਕਦੀ ਨਹੀਂ ਕੋਈ ਬੇਇਨਸਾਫ ਕਰੇ,

ਉਸਦੀ ਸੰਤਾਨ ਦੇ ਨਾਲ ।

ਆਪਣੀ ਜਾਨ ਦੀ ਪਰਵਾਹ ਵੀ ਨਹੀਂ ਕਰਦੀ,

ਜਿਥੇ ਹੋਵੇ ਸੰਤਾਨ ਦੀ ਰਖਿਆ ਦਾ ਸਵਾਲ ।

ਦੇਕੇ ਅਨਮੋਲ ਪਿਆਰ ਸੰਤਾਨ ਨੂੰ,

ਮਾਂ ਚਾਹੁੰਦੀ ਨਹੀਂ ਕੁਝ ਵੀ ਬਦਲੇ ਵਿੱਚ,

ਸਿਰਫ ਕਾਮਨਾ ਕਰਦੀ ਹੈ,

ਕਿ ਉਸਦੀ ਸੰਤਾਨ ਰਹੇ ਸੁਖੀ,

ਰਹੇ ਹਮੇਸ਼ਾ ਖੁਸ਼ਹਾਲ ।

ਜਿਸਨੂੰ ਮਿਲੇ ਮਾਂ ਦਾ ਪਿਆਰ,

ਉੁਹ ਹੋ ਜਾਵੇ ਨਿਹਾਲ ।

ਮਾਂ ਦਾ ਕਰਜ ਚੁਕਾ ਨਹੀਂ

ਸਕਦੀ ਸੰਤਾਨ,

ਭਾਵੇਂ ਗੁਜਾਰ ਦੇਵੇ ਮਾਂ ਦੀ ਸੇਵਾ ਵਿੱਚ,

ਆਪਣੇ ਜੀਵਨ ਦੇ ਸਾਰੇ ਸਾਲ ।

ਮਾਂ ਵਰਗਾ ਹੋਰ ਕੋਈ ਰਿਸ਼ਤਾ ਨਹੀਂ,

ਇਸ ਦੁਨਿਆ ਵਿੱਚ,

ਮਾਂ ਹੇ ਇੱਕ ਚੀਜ਼ ਕਮਾਲ ।

ਮਾਂ ਵਰਗੇ ਜੇ ਬਣ ਜਾਣ ਸਾਰੇ,

ਸੁਧਰ ਜਾਵੇ ਇਹ ਬਿਗੜਿਆਾ ਸੰਸਾਰ ।

ਹੁੰਦੀ ਹੈ ਬੜੀ ਖੁਸ਼ਕਿਸਮਤ ਸੰਤਾਨ,

ਜਿਸਨੂੰ ਮਿਲੇ ਮਾਂ ਦਾ ਅਸ਼ੀਰਬਾਦ ।

ਹਮੇਸ਼ਾ ਸੁਖੀ ਰਹਿੰਦੀ ਹੈ ਉੁਹ ਸੰਤਾਨ,

ਜਿਹੜੀ ਰਖਦੀ ਹੈ,

ਆਪਣੀ ਮਾਂ ਦਾ ਖਿਆਲ ।

ਮਾਂ ਦੀ ਮਮਤਾ ਨੂੱ ਮੰਨੇ ਸਾਰਾ ਸੰਸਾਰ,

ਮਾਂ ਵਰਗਾ ਨਹੀਂ ਕੋਈ ਹੋਰ ਪਿਆਰ ।

੦੨੧੧੨੦੧੩

ਪਰਾਇਆ ਧੱਨ
ਧੀਆਂ ਤੇ ਧੱਨ ਪੱਰਾਇਆ ਨੇ ਹੁੰਦੀਆਂ,
ਕੁਝ ਦਿਨ ਰਹਿਕੇ ਕੋਲ ਮਾਪਿਆਂ ਦੇ,
ਆਪਣੇ ਘਰਾਂ ਨੂੰ ਹੈ ਚਲੇ ਜਾਂਦੀਆਂ ।

ਬੜੇ ਲਾਡ ਪਿਆਰ ਨਾਲ,
ਧੀਆਂ ਪਾਲੀਆਂ ਨੇ ਜਾਂਦੀਆਂ ।
ਮਾਂ ਪਿਓ ਦੀ ਇੱਜ਼ਤ,
ਧੀਆਂ ਨੇ ਹੁਂਦੀਆਂ ।
ਰਾਜਿਆਂ ਦੇ ਮਹਿਲਾਂ ਵਿੱਚ ਵੀ,
ਧੀਆਂ ਨਾ ਰਹਿੰਦੀਆਂ,
ਵਕਤ ਆ ਜਾਣ ਤੇ,
ਡੋਲੀ ਚੜ੍ ਜਾਂਦੀਆਂ ।
ਧੀਆਂ ਤੇ ਧੱਨ ..............

ਸਿਰ ਸੁੱਟ ਵੀਰ ਖੜੇ,
ਭੈਣਾਂ ਨੇ ਰੋਂਦੀਆਂ ।
ਗੱਲ ਲਗਕੇ ਹੌਕੇ ਭਰਣ ਸਹੇਲੀਆਂ ।
ਬਾਪ ਉਦਾਸ ਫਿਰੇ,
ਮਾਂ ਦੀਆਂ ਧਾਹਾਂ ਸੁਣੀਆਂ ਨਾਂ ਜਾਂਦੀਆਂ ।
ਧੀਆਂ ਵਿਛੋੜੇ ਦੇ ਕਾਰਣ,
ਬੇਬਸ ਕੁਰਲਾਂਦੀਆਂ ।
ਧੀਆਂ ਤੇ ਧੱਨ ..............

ਦੁਨਿਆ ਦੀ ਰੀਤ ਨੰ,
ਧੀਆਂ ਨੇ ਚਲਾਦੀਆਂ,
ਜਮਦੀਆਂ ਕਿੱਥੇ,
ਅਤੇ ਕਿੱਥੇ ਚਲੇ ਜਾਂਦੀਆਂ ।
ਬਾਬੁਲ ਦਾ ਵੇਹੜਾ,
ਮਜਬੂਰ ਹੋਕੇ ਛੱਡ ਜਾਂਦੀਆਂ ।
ਧੀਆਂ ਤੇ ਧੱਨ ..............

ਧੀਆਂ ਜਦੋਂ ਮਾਪਿਆਂ ਨੰ,
ਮਿਲਣ ਆਂਦੀਆਂ,
ਖੁਸ਼ੀ ਨਾਲ ਫੁਲੀਆਂ,
ਨਹੀਂ ਹੈ ਸਮਾਂਦੀਆਂ ।
ਦੁੱਖ ਸੁੱਖ ਦੀਆਂ ਗੱਲਾਂ,
ਧੀਆਂ ਜੀਅ ਭਰਕੇ ਨੇ ਸੁਣਾਦੀਆਂ,
ਦਿਲ ਬਹਿਲਾ ਕੇ,
ਆਪਣੇ ਪਤੀ ਦੇ ਘਰ ਨੰ,
ਵਾਪਸ ਮੁੜ ਜਾਂਦੀਆਂ ।
ਧੀਆਂ ਤੇ ਧੱਨ ..............
੧੪੦੯੯੫

"ਪਰਾਇਆ ਧੱਨ" ਵਿੱਚੋਂ